姜皓文表示以前的他非常火爆，近年心態轉變，變得隨和。
藝人姜皓文（黑仔）到新城廣播接受李有毅（Ben）和兒子李國煒（Benson）主持的《Ben同Benson『Chur』到行》節目訪問，分享了他從影多年的心路歷程和演藝經歷。
入行四十年的黑仔，被問及行業中是否遇到討厭的人，他表示：「真係少，我為人就係咁，就算你點對我唔住都好，我都會撩你講嘢，多個朋友好過多個敵人。」他坦承自己曾經有一段時間比較火爆，「唔知道係唔係自卑問題，我幾怕拍嘢時有人喺側邊指指點點或者喺到笑，我曾經喺電視台趕咗一個監製出廠，我話你好騷擾我演出，可能嗰時得罪好多人。」近年心態轉變，黑仔亦變得隨和，「人大咗，覺得算喇，冇咩對錯」。
姜皓文跟李有毅與太太、兒子李國煒合照。
黑仔於2018年憑《拆彈專家》獲得金像獎「最佳男配角」，他笑言：「個個都話平常心，係假嘅，好緊張呀！」他描述當時的情景：「喺會場外訪問係很正常嘅，但進入會場開始有啲緊張，有啲手汗，我老婆拖住我嘅時候，問我係咪好緊張？」上台領獎當刻，黑仔雖然準備了講詞，但上到台卻完全忘掉，甚至忘記了感謝公司老闆。
黑仔上台領獎當刻，雖然準備了講詞，但上到台卻完全忘掉，甚至忘記了感謝公司老闆。
談到演藝生涯中最難忘的演出，黑仔特別提到電影《風暴》中，飾演其自閉症的女兒被扔落街，那場戲拍到撕心裂肺，他說：「嗰個星期真係茶飯不思，放飯又食唔落，成日記住嗰場戲。」他特別稱讚小演員：「阿女做得好好，我同佢嘅化學作用出晒嚟，佢叫我唔好留力打佢，佢媽咪望住我哋拍戲，話唔緊要，依家間中都有聯絡。」
對於新一代演員，黑仔表示欣賞他們的新想法：「我幾鍾意同新演員合作，好多新演員係佢哋諗到，而你係諗唔到嘅。」他特別提到面對新演員時，不會當自己是前輩，當跟他們是同期出道的新人。黑仔又建議年輕演員不要三分鐘熱度，要專注做好一件事，「雖然外面好多嘢可以揀，但最重要係認清楚自己的興趣同位置個落點。」
對於新一代演員，黑仔表示欣賞他們的新想法。