Ad Block Ad Block
娛樂
2022-09-16 18:33:26

小肥尾場演唱會感觸爆喊 陳柏宇即興上台搶咪合唱

分享:
陳柏宇即興上台搶咪high 爆合唱。

陳柏宇即興上台搶咪high 爆合唱。

小肥昨晚於旺角麥花臣場館舉行尾場的音樂會,不少圈中好友陳志雲、方皓玟、J.Arie、傅佩嘉、C AllStarRubberBand等都有現身捧場。在台上,小肥感性地分享了出櫃後的內心轉變,更一時感觸淚流滿面。

演唱會甫開始小肥已唱盡金曲,《時光機》、《內外》、《高登歌》等,現場氣氛瞬間炒熱,隨後以音樂劇的形式進行,更有廖子妤(Fish)加入演繹獨白部份。小肥唱到《觸景傷城》時,他彷如開大掣一樣邊唱邊喊,他即有感而發道:「入行到而家好多風風雨雨,例如簽親嘅公司都會大震動,人生又經歷好多唔同問題,但又好多人令到我好感動,所以當一切回歸安定,我又重新適應。希望大家都頂住,你哋撐我時,我都撐你哋。」然後小肥隨即獻唱《寵物》,而本來只在前段與小肥合唱《羅生門》的陳柏宇(Jason ),被小肥召喚上台,二人即High爆合唱,掀起了全晚的高潮。

Show後小肥評價自己兩場的演出只值85分,因為頭場表現失準,而昨晚在台上哭起來,他解釋是現場氣氛所致,他說:「第一場係整喊啲人,今場喊咗係因為內容同氣氛,先忍唔住。」他又表示ShowShow後心情差天共地,說:「之前好緊張,喉嚨有啲唔舒服,都有少少驚會病。以往我好夜瞓,但近排又唔敢唔瞓,又要背歌詞,依家心情好鬆,乜都唔使理,最想去打邊爐。」至於兩位嘉賓,他特別感謝Fish,並道:「原本想實現返NFT嘅聲音導航,本身由韋羅莎錄製以及現場演繹,但佢唔得閒,好彩廖子妤仗義相助幫拖,佢一路話自己聲帶唔夠好,演出前不斷練習,但其實已經好好,出嚟效果好滿意,真係好多謝佢嘅幫助,爭佢好多餐飯,多謝你呀Fish!」至於Jason在唱《寵物》時上台即搶咪,他即大爆對方其實綵排時將場館當K房唱過不停,所以才會請他一同上台讓對方過足癮,問到二人老友鬼鬼日後可會再次合作,他即說:「之前我作咗首歌俾佢,佢唔要囉!」完成兩場個唱,被問到明年可有機會添食,小肥即道:「希望啦!我都想,今次開完騷要求變,俾個目標自己,希望成事!」

Ad Block
小肥望明年有機會再添食。

小肥望明年有機會再添食。

小肥尾場演唱會感觸爆喊。 廖子妤加入演繹獨白部份。
請接受以下私隱政策及免責聲明,以示你同意am730內之私隱政策及免責聲明。了解更多
接受