工藤佑采與心穎展開隔空罵戰。
工藤佑采在港姐比賽上一黑成名，早前被監製何小慧批評她態度欠佳，在綵排期間一直hea住做，不認真練舞。同時有工作人透露指工藤佑采曾一度拒絕出場做佈景板。工藤佑采看到報道後，即時在IG怒斥電視台故意抹黑。
而黃心穎出席《牛下女高音》飯局，問到工藤佑采黑面一事，最初心穎仍覺得她幾有個性，後來心穎得悉她在IG指要一個星期學4隻舞，她就說︰「咁呢件事我覺得佢唔啱，選美過程根本係辛苦，我哋嗰時隔兩日就要做一樣嘢去見記者，我覺得呢個係訓練一種。其他人咁勤力，佢哋又做到，點解你又做唔到呢?我覺得呢個係自己問題，仲以為黑面係佢跳舞態度，如果係做人態度就唔抵爭。」並對工藤佑采感到失敗。
當晚心穎亦著到靚靚睇港姐。
工藤佑采在IG爆鬧心穎。
心穎這番言論就引來工藤佑采再度開po，並爆鬧對方。工藤寫道︰「黃心穎，我幾時有講過，我話比賽辛苦不滿意？從頭到尾，比賽完咗我都冇講過！係直到尋日，小氣方丈公開抹黑我、我先至出聲、都係講緊佢哋抺黑我、而不是說比賽辛苦、既然你哋要屈我，我都唔排除將來會講下比賽嘅事。」
「你堂堂三甲香港小姐、連閱讀理解都唔識？真係叻豬！黃小姐，你唔使咁護主心切喎！我如果係你接受訪問，就會話冇留意，冇回應啦！因為支持吾（唔）支持，都係死路一條！順得哥情失嫂意！你成功咗啦、成為咗第一個，我會喺網上公開講嘅人~」
之後更指心穎想搏見報︰「你嘅行為真係表現到你係幾咁美貌與智慧並，其實你係咪好耐冇見報？ 所以要出嚟話一吓我？ 咁我好支持你繼續話～千祈唔好停～ 咁我哋就可以一齊見報 好多謝你咁留意我喎」
今次網民認為工藤佑采太過激動。