蔣家旻盼下次有機會跟鍾鎮濤有對手戲。（娛樂組攝）
蔣家旻今日（5日）到紅磡出席《巨塔之后》，她在戲中扮演鍾鎮濤的女兒，與張頴康是夫妻。提到她角色予人有些奸詐的感覺，令人想起《美麗戰場》的「反骨琪」，她表示不擔心觀眾會混淆，「個嗰係極端奸角，無咩原因都會害人，而今次個角色係幫老公，唔會用反骨琪個眼神咁望人。」並著大家細心留意其角色的妝容及後續發展，會發現她並非絕對奸角。
婚後如常開工
談到她婚後予人感覺疊埋心水做人妻，蔣家晏高呼冤枉。她說：「我唔知點樣大家咁諗！其實我有拍《璀璨之城》，喺珠海拍咗好多組，但因為劇本修改要暫停，嚟緊好快開返。我如果好心急懷孕係唔會接呢套劇，呢套戲未完成，唔會搞著劇組同自己，我有劇就照拍，有宣傳就會做。」她稱因為《璀璨之城》暫停，所以有空檔去旅行，早前則因為慶祝結婚周年，向公司請假而缺席宣傳。
蔣家旻表示婚後有拍劇，未有急住懷孕。（娛樂組攝）
狂收恭喜勁無奈
她強調自己未有懷孕，笑謂上次在社交平台貼出的疑似大肚照令她沒想過引來勁大迴響，就連今次宣傳見到導演、監製時，他們也著她不要站太久，令她哭笑不得。
她說：「真係美麗誤會！諗住大家都係講幾日，點知成個月都收到大家恭喜。佢哋好多睇咗個報道，但只係睇標題無睇內文，我都有同佢哋講唔係。都有人向我先生確認，但又無人向我確認，大家仲話『三個月唔講得，明㗎啦！』fans又讚我佗得靚，我個肚扁㗎！」
蔣家旻穿上鬆身衫遊日本，予人錯覺懷有身孕。
強調未有身孕
她又稱因為不少人以為她懷有身孕，不敢找她工作，怕她體力應付不來，就連經理人也不得不向她求證是否懷孕。她說：「冇諗過一張相誤會搞到牽涉到咁大，平時啲娛樂新聞都係幾日就無。」她笑謂自己有不停留言回覆否認，但大家仍然覺得她懷有身孕，「我要公開澄清：我係未有（懷孕） ！」
ADVERTISEMENT
立即更新/下載AM730手機APP 體驗升級功能
