陳展鵬近日熱愛玩threads，更大談亞視味。（娛樂組攝）
陳展鵬昨日出席《巨塔之后》宣傳，他透露在劇中扮演跨國銀行總裁，開心可以跟宣萱合作，而且二人出場的方式亦很特別。提到他早前在threads貼了一張整頭髮的照片，看上去勁肉多個卡通人物，更有人貼出近日大熱的「生蠔BB」，展鵬笑謂很開心認識這個卡通角色。
陳展鵬非常寵粉，難怪有大量好鵬友。（娛樂組攝）
好like生蠔BB
他又笑「生蠔BB」夠新鮮，自己很喜歡，但自己亦不弱自貼黑山老妖回應網民，「大家既然比拼下，咁黑山老妖堅啲！哈哈！大家開開心心，唔使咁認真！其實好開心有多一個平台同大家傾偈！其實都係太太叫我去玩，會好開心㗎！之後咪試下又幾OK！（你好踴躍回應）我好吹得㗎！有時我都好直接，大家吹下水無傷肝。」
他稱當時貼出整頭髮的照片，是多謝護髮公司，因為自己漂了頭髮，自言男人有番咁上下年紀會怕甩頭髮，幸好知道有方法有辦法育髮之餘，又可以保持頭髮顏色，所以想多謝商戶。
陳展鵬與吳岱融有不少對手戲。（娛樂組攝）
展鵬眼中的「亞視味」
談到網民提及他「有陣亞視味」，展鵬在網上大方回應，他說：「估唔到仲有啲好後生仲睇到亞視喎！見到我會諗起亞視都幾好，始終亞視都好代表香港，當然無咗係可惜。
問到他如何了解「亞視味」，他說：「我又無咩點諗，以前可能啲人成日拎亞視同無綫比較，無綫會光鮮啲，娛樂性高啲，亞視比較沉悶啲，色Tone會唔同。我個年代係咁睇，唔知大家係點，啲人應該會覺得亞視係老土啲。」
亞視時期的陳展鵬，但其實他是TVB訓練班畢業。
不忘本多謝亞視
他坦言在亞視的時間過得好開心，「因為由我無嘢做開始，到我實實在在喺亞視做配音、主持、演戲，回顧番係學到好多嘢。之後返嚟母校TVB，我係TVB藝員訓練班畢業，又拍唔同戲都係因為亞視。亞視對我嚟講係一個好好階段，無佢亦都未必返到嚟TVB，每個人睇法唔同，口味問題。有人鍾意唔鍾意，佢講出嚟未必係唔鍾意，最緊要開心！尤其是呢幾年環境，大家一齊傾下偈，笑下幾OK。」
ADVERTISEMENT
立即更新/下載AM730手機APP 體驗升級功能
