張學友近日接受訪問，笑言在家中的地位比烏龜還要低。
現年60歲的歌神張學友，近日接受節目《香港機遇》的訪問，學友罕談家庭點滴。育有兩個寶貝女的他，笑言自己「喺屋企永遠都係喺最後一個位」，作為樂壇前輩的他，更坦言不敢收徒弟。
張學友和老婆羅美薇96年結婚，婚後羅美薇淡出娛樂圈，並專心相夫教子。學友對女兒疼愛有加，對她們極為保護，多年來甚少公開她們的容貌。訪問中，學友表示自己非嚴父，和女兒就像朋友般的關係，「我絕對唔嚴！我係佛系管理。」問到女兒們會否給予意見，他則笑道︰「佢哋又唔會畀意見我，費事睬我！點會畀意見我啫？」笑翻不少網友。他又補充︰「其實佢無論發展到點樣，都希望喺佢哋身邊支持佢哋，只可以一路提醒佢哋，但如果佢哋都係堅持，結果要佢哋自己去承受。」
談到家中地位，學友笑說︰「我喺屋企永遠都係喺最後一個位。」他笑指不僅比家中養的烏龜還低，還要負責抺糞、餵牠食物和清潔等等。計埋家人及寵物，學友直言在家中排名第6、7位也不如，十分爆笑。
在樂壇中甚有輩分的他，自言入行至今從未收過任何徒弟，他直言︰「我唔係唔收，我唔敢啊！我驚自己教錯人，事實嚟嘅。」他又解釋因為自己沒有學過唱歌，只是憑個人經驗，但經驗都會隨著時間慢慢改變，可能當時認為對的，但幾年後可能又會推翻之前的說法，因此未有收徒弟的想法。
