張寶兒佗住巨肚與老公袁偉豪上月去食大餐。
33歲張寶兒(Bowie)與大10歲的袁偉豪於2020年結婚，其後誕下兒子「袁咕碌」，今年6月張寶兒在社交網宣布懷有第二胎，轉眼間已經懷孕8個月，昨日(21日)她在社交網分享最新狀況，並自嘲身形似第2件生物。
張寶兒表示：「32周，人哋話第二胎個胎會大得快，個肚會更明顯，身形會更加龐大，呢啲喺我身上全部都應驗。」她續指昨日去做產檢，透露今胎「袁凼凼」好肯食嘢，各方面生長得不錯，並自爆今胎瘋狂食甜嘢，幸好沒有妊娠糖尿，「好在我係低風險嘅人，雖然我呢胎食咗好多甜嘢，每日幾乎都會食甜嘢，以前成日血糖低，佗呢一胎俾我一個借口不停食甜嘢，暫時冇影響到BB。」
身體可愛似小象
張寶兒透露來到最後孕期，已經不能再抱起大仔袁咕碌了，感覺肚子大得頂到上橫膈膜，呼吸容易氣喘，亦出現耻骨痛、腳水腫等情況。「著完襪之後會見到襪痕，覺得自己好似一隻小象，個身體好可愛，唔覺得係我嘅身體，點解可以咁腫，好可愛，好似睇緊第2件生物咁。」她又提到跟佗第一胎不同的地方，今次比較容易流鼻血，明顯胎動多好多，「袁凼凼」非常活躍，手仔及腳仔撐着她的肚皮，網民都大讚她皮膚依然白滑，更封她是「最美孕婦」。
ADVERTISEMENT
