張敬軒的紅館個唱今晚舉行最後一場補場，因為是尾場的關係，軒仔的情緒也特別高漲。軒仔在開場時表示，入場觀眾要有心理準備會全晚叫破喉嚨，並多謝這26場入場的觀眾。他笑稱今次演唱會由40歲搞到41歲︰「我自出娘胎以來，到今時今日都唔敢諗自己會開超過25場演唱會，而今晚最值得紀念嘅，就係今晚係我人生第50場紅館演唱會。」他坦言，在疫情下仍有這麼多人支持自己，非常感恩。
王菀之陳卓賢柳應廷任嘉賓
軒仔又表示，每晚演出都視最後一場，但今晚會是「唔要命咁唱」︰「人生唔要命、豁出去嘅時間唔係咁多，我準備咗一份大禮俾大家，今晚係錄影，眾所周知香港開騷要encore，為咗令DVD好睇啲，希望大家交足戲。」他笑言今次演唱會是紀念自己入行20周年，因此很自私用了自己的成長經歷，在香港生活這十幾年的領悟和感受，作為創作藍本。
今晚軒仔特意請來王菀之、MIRROR成員陳卓賢及柳應廷做嘉賓，而觀眾席上則有谷德昭、MIRROR的呂爵安及ERROR成員193。
