Ad Block Ad Block
娛樂
2021-12-24 13:32:00

張敬軒演唱會|著背心衫要搵「遮遮」幫手剃毛 引用姜濤「用作品說話」

分享:
老闆楊受成夫婦也有到場支持。(發稿)

老闆楊受成夫婦也有到場支持。(發稿)

張敬軒着的背心戰衣,笑言事先要請「遮遮」幫手剃胳肋底毛 。(發稿)

張敬軒着的背心戰衣,笑言事先要請「遮遮」幫手剃胳肋底毛 。(發稿)

張敬軒《The Next 20》演唱會昨晚於紅館(23日)揭開序幕,軒仔父母、老闆楊受成夫婦、周秀娜、溫碧霞、七仙羽(七師傅)、周家怡、衛詩雅、彭秀慧等都有現身支持。

軒仔開場以一身閃爆皇上外套登場,皇帝的戰衣內是超Deep V,一向風趣幽默的他,一口氣唱完5,6首歌,才開口同觀眾打招呼,邊鞠躬答謝觀眾,邊笑言,「多謝大家! 我拜八角先!」他再感謝來港支持自己的父母,老闆楊受成夫婦、CEO Shirley、及演唱會部大佬ALEX。軒仔笑說:「多謝Alex比信心我開到咁多場演唱會,不過唔知係咪計錯數,我啲衫一係冇前,一係冇後,唔夠布料錢啦我...哈哈.....不過正所謂『趁著青春留倩影』,呢啲大Deep V同大露背唔係見得好多次。大家有得影就好影啦。」

演唱會第二部份,軒仔用舞台劇感覺,身穿白色戰衣,以一首《天才兒童1985》與台上代表著他童年的自己對話。小演員口中的一句「軒仔可否不要老」,也令軒仔唱《青春常駐》唱到最後忍不住眼淚,邊喊邊唱,場面感動。

而上次《盛樂》軒仔有「遮遮」早餐,今次「遮遮」原來有更大貢獻,軒仔大爆過去演唱會,佢只係會剃腳毛,怕趕換衫換鞋時,會比拉鍊扯到好痛,但今次D衫露背Deep V又背心,佢唯有剃曬加拿大(胳肋底) 毛,估佢唔到最剃毛竟然唔係去美容院,係屋企『姐姐』操刀,台上佢特別鳴謝『姐姐』 剃,軒仔笑話好好手勢,剃住會問佢 : 「Sir,  are you hurt ?」,他就答,「No, I feel good..」 但開騷前一晚,他返家太夜,姐姐訓左,自己補幾刀,就剃損咗個胳肋底」笑到全場觀眾肚痛。

Ad Block

演唱會期間,軒仔感謝同公司兄弟姐妹來捧場之外,又多謝女神周秀娜及謝七師父(七仙羽),台下即有觀眾叫軒仔嘴七師父,又叫他「娶佢!」軒仔抵死笑稱: 「因防疫限制唔嘴得!」又話因為防疫規例不可隨便結婚,「下世啦,我投胎做你老公!真係大吉利是,係紅館個台特別容易講錯o野!」引爆全場笑聲。此外,軒仔談到今年樂壇成績,又引用姜濤一句:「用作品說話」,說自己雖然在叱咤「我最喜愛男歌手」中成為「中青年唯一代表」,但感恩近年能在年輕一代身上學習。

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受