張美妮張嘉兒陀B勁開心 盼囡囡一樣咁老友

今年有不少藝人陀B，如楊愛謹、單文柔、樂基兒、岑麗香、張美妮及張嘉兒等等，都排隊準備卸貨。

張美妮與張嘉兒本身老友鬼鬼，與好姊妹一齊懷孕自然份外開心。美妮今日上載二人合照，留言謂︰「與好閨密同時間懷孕實在太開心啦！我們由好朋友到成為好姊妹，由少女變成人妻到準備做媽媽，一起成長有你陪伴的感覺真好！希望我們肚裏的BB女將來也會好似我哋咁成為好朋友啦！」