張與辰開腔回應跟Kelvin的關係。
《中年好聲音3》亞軍的張與辰完成比賽之後，工作多籮籮，除了要帶團到內地旅行之外，亦忙於為新歌做準備。日前有報道指張與辰身邊有位同性密友Kelvin，二人一齊十多年，對方更陪張與辰到不同地方打拼，走過人生的不同時期。報道指張與辰獲獎之後，決定留港發展，Kelvin亦陪他打點一齊。
Kelvin在張與辰身邊近16年，過去一直都是由他安排張與辰的工作。
張與辰早前在直播解釋跟Kelvin的關係，與對方是好兄弟，同時亦有交代粉絲後援會的資金並不是落入Kelvin袋中。無綫亦找張與辰回應，他坦言跟Kelvin已經合作近16年，「以前喺馬來西亞同台灣都曾一齊開設公司，由佢去安排自己工作。」他稱因為跟TVB Music Group簽約，所以Kelvin就會負責他的歌曲製作部份，「我哋係商業夥伴，係好信得過嘅兄弟，無咩特別關係！」
張與辰早前在直播中向fans解釋跟Kelvin的關係。
他稱因為參賽，他的馬來西亞親友來港支持，加上完賽後又要錄影不同節目、搬屋、出席不同活動，於是特別請Kelvin留港幫手，「我係需要有一個好信得過嘅人幫手，不過佢已經返咗去，但多多少少都有影響。」他續指不少朋友傳訊息問Kelvin是否跟張與辰一起，但大家都坦言只是一齊工作。至於歌迷會的資金去向受到質疑，與辰表示有公司處理歌迷會資金，而公司亦有聘請核數師及會計師去負責睇數，有足夠透明度。
