徐子淇2016年與香港四大地產商恆基兆業創辦人李兆基兒子李家誠結婚，被封「千億媳婦」，育有2子2女嘅徐子淇亦淡出幕前，專心照顧家庭。近年徐子淇愈嚟愈低調，除咗甚少出席公開活動，社交平台亦足足接近成年無更新，直至早前與老公一同出席香港科技大學新科研大樓動土儀式，以深綠色連身裙造型亮相嘅徐子淇與過往一樣舉止優雅，惹起關注；而徐子淇胞妹徐子欣近日亦同樣成為討論對象。
徐子欣與徐子淇作風一樣低調，據悉徐子欣跟隨姐姐步伐，與富商老公結婚，當時場面奢華又熱鬧，婚後更成為上流貴婦聚會常客。早前，徐子欣就與名媛毛國靖、林青霞繼女邢嘉倩聚餐；毛國靖分享合照，從照片所見，徐子欣不但素顏、戴上黑框眼鏡，衣著打扮比徐子淇來得樸素。
雖然徐子欣曾對外指自己外貌不及徐子淇，所以無意入行；但據知，徐子欣與徐子淇一樣就讀於英國University College London，並以一級榮譽畢業，喺香港一間保險公司做過暑假工，又曾到內地做義工教英語，既係學霸又有愛心。
▼徐子欣（右上）
▼徐子欣（左上）
原文刊登於 Yahoo娛樂LOL，am730獲授權轉載
