微辣前經理人阿晶逝世，不少網民認為微辣團隊要為悲劇負責。微辣姊妹花佩男同思男有份參與被指影響阿晶情緒嘅「喊相」事件，阿晶離世當晚妹妹思男就開直播澄清，令佢被網民鬧爆。事隔多日，家姐佩男終於喺IG出文回應「喊相」事件，並為思男開直播一事道歉。不過網民似乎唔多收貨，唔少人留言爆粗鬧爆，更認為「點解你地仲以為洗到白」。
▼微辣佩男回應▼
卡特宣布離開微辣
參與「喊相」事件嘅微辣成員當中，被指係發起人嘅卡特已出post宣布離開微辣。另一成員阿丞就澄清自己同阿晶一樣有情緒病，會互相發訊息支持鼓勵；而微辣老細六毫子(陸志豪)至今仍未有回應。
原文刊登於 Yahoo 娛樂圈
