小肥最近有翻唱大碟計劃，碟名叫《SIUFAY MODERN CLASSIC 2010-2020》。
去年出櫃的小肥，出席由林柏希主持的網上清談節目《月傾會》，談到出櫃後不再有任何包袱，他說心態上的確輕鬆很多，「依家唔使解釋，好多嘢唔使煩囉！我記得出櫃前，同師兄(劉浩龍)為某個網劇唱咗隻主題曲，MV講我同師兄爭女，一出咗櫃，劇本改咗我同師兄出生入死，到師兄溝到條女，我就同佢表白，哈哈哈，我同Sunny(MV導演劉翁)講，你都真係改得幾快喎！」
林柏希問小肥，喜歡被主導還是要主導人，即是1定0？小肥諗都唔使諗即答：「我係M底嘅，所以M底嘅人，首先一定係被動、被主導啦！」
從未向家人透露性取向
公開出櫃一年多，問到小肥如何向家人坦白性取向，他稱其實從來無正式向家人come out，但前男友經常都會出席家庭聚會，雙方家人應該心照。最搞笑的例子是前男友母親，買了一嚿大隻佬番梘做手信送給小肥，而前男友老竇食飯夾餸時，試過好大聲話「阿仔，食隻『基』圍蝦先！」小肥同林柏希兩個笑到收唔到聲！
於突擊檢查小肥手機相簿環節，終於令到小肥say No。
《閃電傳真機》的麥包最正
去到環節《大膽答 冇膽食》，林柏希找來日本納豆做懲罰挑戰。自言單身年多的小肥，被林柏希問之前拍拖有冇試過偷食，小肥答得直接：「同一個人，但係唔止一次！認識情況係喺App，地點係廣州！最仆x就係廣州對方都唔知，所以我依家要play一隻歌先，梁漢文嘅《傷了三個心》！」
至於哪一位圈中男星是小肥的性幻想對象，他大膽公開，原來是大佬孝(邵仲衡)，他說：「外形感覺好正囉！」林柏希問小肥，見到邵仲衡本人，有冇硬晒……軚？小肥就說：「真正嘅傾慕係唔會硬嘅，哈哈哈！」而另一個性幻想男星，竟然是麥包(麥長青)，小肥話：「以前《閃電傳真機》時候嘅麥包(麥長青)都OK！」