性騷擾｜陳約臨曾被偷拍裙底 好心男士協助拉人 呼籲女性勇敢面對

YouTuber出身的蔡嘉欣近日邀請到陳約臨於自己頻道作嘉賓，二人大談被性騷擾嘅經歷。TVB前體育女神陳約臨更自爆曾被偷拍裙底，呼籲女性唔好容忍，要勇敢面對及好好保護自己。

陳約臨表示事情發生於2年前到中環購物期間，佢憶述當時正在揀選頭燈突然被人觸碰，原先佢無理會，點知對方再拍佢多一次；原來係位年約30中、身穿西裝嘅男士提醒佢被偷拍裙底：「有人偷拍你的裙底，你有需要報警嗎？」陳約臨即決定報警處理咗，並指該位好心男士主動提出幫忙：「嗰個男士話『你而家報案，我幫你𥄫住佢』」

中學時於港鐵曾被掂大髀

之後陳約臨就通知店員，不過未知係咪店員於對講機對話期間被偷拍男發現，偷拍男即時向扶手電梯方向逃跑，該名好心男士則跟住偷拍男跑；由於好心男士早向陳約臨用計數機留低自己電話號碼，陳約臨馬上打畀對方詢問狀況，並根據對方提供位置，待警察沿路追上去成功拉人。陳約臨表示被告即日認罪，隨後被判罰120小時社會服務令。較幸運嘅係，陳約臨當日所穿嘅係裙褲。這名TVB前體育女神補充指，自己中學時期亦曾於搭港鐵時被掂大髀。