2025-08-25 08:15:00

成龍嘆香港借場拍戲甚艱難當年會展取景全靠董建華(有片)

由成龍、梁家輝、韓國男團SEVENTEEN成員文俊輝、周政杰昨日(24日)現身澳門，出席所參演電影《捕風追影》的首映禮，並接受傳媒訪問。成龍早前赴瑞士盧卡諾影展，接受大會頒授「終身成就獎」榮譽金豹獎，順道往意大利和英國，並在倫敦探班，「我成家班拍緊《Spiderman 4》(蜘蛛俠)，佢哋係呢套戲嘅動作導演，導演見到我都好震驚，要俾佢知道成家班係我啲人。」

喜獲終身成就獎：以前斷手斷腳都值得

對於獲終身成就獎，成龍感謝一直支持他的影迷和團隊，「以前嘅付出、傷痛、堅持幾十年後得到回報，如果以前我是但拍，可能就冇今日成就，《醉拳》《簡單任務》《A計劃》等，所受嘅傷、斷過嘅幾手斷腳都值得，要多謝當年20、30歲仍這麼努力，如果唔係就會後悔點解當年咁偷懶，點解唔拍好套戲。」問到如何慶祝時，他笑言已拍戲64年，獲獎當然開心，但仍要努力工作。

借啟德新地標拍戲？

問到可會再拍港產片，成龍自言已想不出新故事，當年才往外地拍電影如《我是誰》、《簡單任務》，如果有劉偉強《水餃皇后》等香港故事，必會答應。問到可有興趣登上香港新地標啟德主場館，梁家輝提出搞笑建議：「我喺入面開第一個演唱會，你就係香港第一個喺上面拍嘢嘅人。」成龍大嘆香港拍戲難借場地，他激動表示，「我去到外埠，要拍歌劇院都可，但呢度唔俾人上去！」他續爆當年往事，「我問會展借幾多次都唔俾，唔係我見到董伯伯，佢話：『咩話？我同你講！」先俾我上去拍《新警察故事》。」