Lokman、蔡瀚億和陳穎欣合演的舞台劇《我推的男子》。
由MIRROR成員楊樂文(Lokman)、蔡瀚億(BabyJohn)和陳穎欣(Yanny)合演的舞台劇《我推的男子》，早前開售的18場門票已火速售罄，3位主要演員昨日(30日)出席記者會，親身分享票房爆滿的喜悅，並驚喜宣布終極加開一場，合共開足19場。Lokman與BabyJohn繼《狂舞派》系列後再合作，突破地以「CP」形式示人，為觀眾帶來全新火花，問到劇中會否出現大膽BL(Boy’s Love）情節時，Lokman靦腆指：「有框架底下盡情大膽！」終極加開10月18日下午3點場，門票將於8月1日Goodshow.club網站公開發售。
Lokman、蔡瀚億和陳穎欣合演的舞台劇《我推的男子》，終極加開最後一場。
正面交鋒
對於觀眾熱烈支持，Lokman衷心感謝大家厚愛，BabyJohn則笑言：「今次真係最後一場，相信一樣會好快爆滿。想買飛嘅朋友要立即行動，尤其係平時喺街市同我講會買飛支持嘅街坊，今次真係最後機會喇！」談到再度攜手，Lokman說：「我哋識咗好耐，但冇乜機會正面交鋒，今次可以喺排練期間盡情磨合、放膽演出，睇吓會撞出咩新火花。」作為演員兼今次舞台劇監製，BabyJohn補充：「開劇初期，我第一個任務就係說服投資者相信Lokman同我呢個組合係好好睇嘅！」
框架底下盡情大膽
由梁祖堯與阮韻珊聯合執導、阮韻珊創作劇本的《我推的男子》故事講述男子組合「B&L」——Billy與Leo，本是跳唱男子二人組，隨時代變遷變成半紅不黑的商場細show常客。一次意外讓他們的演出片段在網上爆紅，竟意外成為新一代人氣CP。問到劇中會否出現大膽或火熱BL(Boy’s Love)情節，Lokman賣關子說：「留啲驚喜畀觀眾啦，睇完再話我哋知夠唔夠大膽！」他又表示暫未特別參考其他BL劇或動漫：「驚睇得太多開咗眼界，想排咗戲先，之後因應需要再參考。」BabyJohn亦笑言未有特別準備：「到時就吸啖氣，一嘢轟落去！」演兩人的鐵粉兼化妝師的Yanny，自言從未看過BL劇，但首次圍讀劇本時，已覺得Lokman與BabyJohn之間火花十足：「兩位年輕貌美嘅偶像走埋一齊，BabyJohn比較柔美，而Lokman則較為剛強，呢個組好有效果。圍讀時有啲場口，已經令我有種『搔搔麻麻』嘅感覺。」
Yanny在舞台劇《我推的男子》演忠粉兼化妝師。
Yanny自爆係迷妹
對於飾演兩位主角的忠實粉絲兼化妝師角色，Yanny笑指與自身經歷相似：「我中學時代開始已經迷過好多偶像，睇韓劇都會因為男主角太靚仔而迷戀一排，所以今次角色都可以從自身經歷搵靈感。」她又透露導演梁祖堯與阮韻珊為她度身打造這個角色：「佢哋睇過我過往嘅演出作品，設計咗一個Tough得嚟又搞笑嘅角色，好似『羅莽』咁孔武有力，同我個外型反差幾大，應該幾有戲劇效果，我都好期待觀眾睇到我唔同嘅一面。」
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
