戴祖儀狂讚丁子朗畫功了得，又稱對方是個完美的男人。
戴祖儀、丁子高今日到上環出席藝術展，二人都有畫作在場內展出。戴祖儀表示今次邀請了10位藝術家合作，坦言估不到丁子朗畫功了得，而丁子朗就大爆戴祖儀事前沒有邀請他，今次是自薦參與。
戴祖儀說︰「我真係非常榮幸，估唔到佢畫畫咁叻，佢一向分數好高！人又靚仔，識做戲、又搞笑、畫畫又叻，仲要識照顧人。可惜，我唔鍾意太完美嘅人，我鍾意有瑕疵。我鍾意風趣幽默，溝通到為主，但同佢溝通唔到。」二人亦斬釘截鐵表示大家沒有機會發展。
戴祖儀否認自己投資NFT賺過百萬。
提到戴祖儀早前投資的NFT賺了500萬，她說︰「賺係要入袋先叫賺，但依家都未落過袋，而啲錢都係繼續投資喺間新公司上，希望係長遠發展。」她透露與拍擋投資了七位數字，而在旁的丁子朗表示有意加入，戴祖儀即表示︰「當然得，我收你7位數啦！哈哈！」