內地綜藝《披荊斬棘》（即《披荊斬棘的哥哥》第2季）今日中午開播，32強名單及主題曲《十問》MV亦相繼曝光。
卡士方面，32位參加者當中，香港藝人佔9位。香港代表有林峯、吳卓羲、劉愷威、周柏豪、杜德偉、溫兆倫。上一季有份參加嘅陳小春同張智霖就「翻兜」再現身。60歲嘅杜德偉成為今季最年長參加者，而憑《聲生不息》爆紅嘅曾比特亦以28歲之齡入選，杜同曾年齡差距足足32年！台灣藝人就有8位，分別係潘瑋柏、任賢齊、蘇有朋、王大陸、吳克群、信、張震嶽及吳建豪。
《披荊斬棘》主要由一班「中佬」級男藝人聯同少量年青一代，以不同形式演出較量，多輪淘汰之後產生出一個全方位表演團隊。現時未知賽制如何，但網上流傳第一輪被淘汰嘅，包括近年高調愛國嘅溫兆倫。第一集溫兆倫同林峯、吳卓羲及陳小春翻唱陳百強作品《一生何求》，向八九十年代港劇致敬。
原文刊登於 Yahoo娛樂LOL，am730獲授權轉載
