林家謙、洪嘉豪和陳健安完成《拉闊音樂會 Oscar·回憶夜遊 林家謙x洪嘉豪x陳健安》後受訪。(蘇文傑攝)
林家謙、洪嘉豪及陳健安昨晚 (10日)於亞博舉行《拉闊音樂會 Oscar·回憶夜遊 林家謙x洪嘉豪x陳健安》，3人於完騷後受訪，大感不捨，陳健安表示在音樂會尾段唱《重生》時，望著兩位拍檔時，一度感觸要強忍眼淚，「今次夾得好開心，有少少觸動，但呢個show唔可以喊。」家謙則自爆在後台暗落淚。
興奮唱完美版《喃嘸師感官漫遊》
3位唱作歌手首度合作，全晚主要演唱Oscar填詞的歌曲，大部分都不少自己的歌，打頭陣是林家謙的《喃嘸師感官漫遊》，難度超高，事前要加倍練習，嘉豪興奮表示，「我哋今日整咗個完美版，我quick change換衫時，佢(陳健安)衝落嚟搵我話perfect。」不過音樂會尾聲，輪到唱自己作品時，家謙唱《一人之境》時就被嘉豪篤爆唱錯歌詞，他回應，「唔緊要啦，唔係唱錯Oscar歌詞就唔緊要。」
「打Call」跳舞 有角色分配
談到「打Call」部分，嘉豪表情豐富，他笑言在出場前仍感糾結，為了Oscar 才豁出去，他大爆3人有角色分配，陳健安是熱情，家謙是厭世，嘉豪是傻仔，「我哋排咗好耐，呢啲舞跳得太齊唔好睇，所以我係排唔齊。」問到是否鈣質版，家謙著大家留意歌詞，別太在意肢體動作，「時代唔同了，呢啲都可以叫跳舞。」嘉豪自覺跳得不錯，自爆，「實不相瞞，只練咗15分鐘。」陳健安卻說，「我練咗好耐，我修改少少，本來跳得好少女，我就建議加強打call。」
家謙談開騷 做期望管理
問到3人會否以「限定跳唱男團」形式表演，嘉豪即時搲做家謙紅館演唱會嘉賓，家謙答道，「睇返到時個期，佢哋得唔得，8月中至下旬，一場或以上。」他強調別要有太大期望，「可能冇驚喜，大家千祈唔好有期望，期望管理，覺得呢個騷唔好睇就一定好睇。」
自封LTP一哥
林家謙早前在《破・地獄》的慶功宴上，獲楊受成力邀加盟，並揚言「唔簽你正龜蛋」。談到家謙簽約英皇的進度，他表示，「楊博士今日唔喺度，唔好提啦。（佢話唔簽你正龜蛋）呢個要問返楊博士，今日有林博士（寰亞老闆林建岳）。」家謙直言當晚有點慌亂，「平時未見過佢咁傾偈。我估佢對我應該有啲誤會，認錯其他人，或者以為我係陳茂賢或衛詩雅。」至於楊博士有否再致電跟進， 「無，所以佢瞓醒都可能知道認錯人，佢事運高。」他將所有責任攬上身，談到台上鳴謝自己的公司LTP，他指是慣常做法，又自封是「TLP一哥」(TERENCE LAM PRODUCTION)，更詢問嘉豪會否加盟成旗下藝人，又自言想簽Tyson Yoshi，「簽名，簽心口，佢我旗下藝人。」
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
