歐陽震華(Bobby)、田蕊妮、森美、邵美琪和龔嘉欣等一眾演員，前晚出席TVB台慶劇《誇世代》首播飯局。被問到對收視有沒有信心，Bobby指現在也不知道怎麼才算高收視，多了很多渠道可以看電視劇，所以收視率不是太重要，重要的是口碑，所以一切平常心面對。
如果收視率很好的話，會否騷肌肉慶祝？Bobby笑說：「劇組裡面咁多男『艷星』，張繼聰啦陳豪啦，要騷肌肉都輪唔到我！」他又稱，拍劇時見到陳豪日日吃白煮青菜和雞胸肉，「我咁為食，練身材唔緊要，但要節食就真係太難受。我就負責好似今日一樣請食飯，一收視好就請一餐吧！(唔擔心食晒啲片酬？)哈哈，佢哋邊食到咁多！」
森美保不住fit爆身形
在劇中要大騷身材的森美，被問到拍攝期間是否很辛苦，他說：「肯定係辛苦，因為之前從來無接觸過拳擊，為咗嗰一分鐘嘅拍攝，苦練咗一個月，不過都幾熱血，好期待播出嘅畫面。」他指拍攝完就已經鬆懈了，保持不住身材，「拍完到而家肥咗7公斤，連我個女都同我老婆講『爸爸而家肥咗，唔敢喺屋企裸上半身。』」