馬國明在《新聞女王²》開場即死，他自認是legend。(林俊源攝)
馬國明和譚俊彥今日現身紅磡出席《新聞女王²》展覽揭幕儀禮，總監製鍾澍佳大爆馬國明在劇集第一場0便會死去。馬國明接連《巨塔之后》和《新聞女王²》兩劇角色均在第一場死去，被網民笑指得罪人，他笑言，「《巨塔》第一集死未係經典，《新聞2》第一場死先係legend。死唔緊要，最緊要死得有價值。」他表示往後劇情仍會現身，譚俊彥則自爆同場見證馬國明死去，形容效果震撼。不過，譚俊彥自言跟馬明沒太多對手戲，繼續守候在佘詩曼身邊，為她解煩憂，他開腔澄清，「我嘅角色唔係幻想，真係有呢個人。」
未收過海俊傑籌錢要求
談到海俊傑昨晚在網上拍片，聲淚俱下為妻子急籌手術費，因愛妻急性肝硬化需接受肝臟移植手術，但至今仍欠70萬醫藥費，馬國明和譚俊彥都曾與海俊傑拍劇，但不認識其妻子，「佢係好有活力好好笑嘅一個人，成日喺現場都會搞氣氛，佢有時又會唱吓歌，所以唔知佢屋企有咁多嘢。」他直言忙於拍劇，未有時間睇對方的籌款片，「希望佢太太趕得切換肝。」兩人表示從沒收過對方提出金錢支援，譚俊彥指主演是開工或慶功見面，譚俊彥感慨表示，「年尾都發生好多呢啲事續說，上幾個禮拜都走好幾個朋友，最緊要身體健康，吉人天相。」
