方力申出席商場活動，分享做準爸爸的苦與樂。(娛樂組攝)
方力申今日現身大埔出席商場「盛夏動感樂園」開幕禮活動，運動員出身的小方分享三招Keep Fit 心得，更即席示範做掌上壓和深蹲。早前於6月父親節宣在榮升做爸爸的小方，笑言要訓練孩子學游泳和劍擊，「香港近年最受歡迎的兩項運動，有人話張家朗用左手，防守好啲，我就諗等BB出世，惟有綁住佢右手，都係講笑啫。」他又表示要努力搵奶粉錢，將往內地開音樂會和游泳學校新泳池開張，又要照顧懷孕妻子葉萱，雖然分身乏術，但忙得開心。
暫不公布BB性別
方力申感恩結婚不久即成功「造人」，大約半年後迎接「蛇B」出生，「對太太來說，更多驚喜，我求婚後即日簽紙，然後就有小朋友，幾個月內人生完全改變，半年後就要湊小朋友。」問到BB的性別時，他表示稍後才公開，並自爆被太太「玩」足一整天，晚上才得知BB的性別，「最後到夜晚佢才同我講，我都係唔相信，呃到我亂晒，可能生出來係第二個性別。」不過BB還未出世，就已得到不少贊助，節省不少開支。圈中好友如黃翠如、鍾嘉欣都紛紛給予湊B貼士，「我太太好鐘意鍾嘉欣，希望有機會約佢出嚟，佢試過留言俾我太太，太太都覺得有好大support。」
自嘲正職做司機
談到太太懷孕心情和身體狀況，方力申慶幸太太沒有嘔吐大作，但情緒起伏較大，擔心胃口改變影響胎兒成長、佗B發胖等，「佢由開始話生幾個，現在變到只肯生一個，希慢慢改變主意。」作為丈夫除了適時安慰，因太太懷孕初期要痛，不但要接送太太出入，更要扶住太太如廁，幸經過物理治療，情況已好轉，他笑言，「我正職係司機、助手，副業係教游水，再副業才是唱歌。」他認真表示要，「結婚就係學習做一個更好男人，我仍努力學習，婚姻好長，係一世，如果自己一個就咩都學唔到。」日前他與太太看Kelly演唱會，他表示希望明年能在香港開演唱會，現正物色場地，屆時太太可抱B來觀看。
否認過億身家：我件衫200蚊
問到父親和母親的抱孫心情，方力申投訴被忽略，「佢哋已經唔理我，好似冇咗個仔，我話想食牛扒，佢哋話：『唔係問你，係問佢！』，我喺屋企已冇乜地位。」小方又表示，太太和父母都對他的「玩具房」虎視躭躭，「得我一個話唔拆間玩具房。太太話玩具係「小人」，成間房太多人仔，我已經搬走好多，但係仲有部賽車機，成張凳喺間房，話要拎走變床，我話留俾孩子10年後玩。」有傳聞指他有過億身家，問到可會搬大屋時，他搖搖頭：「我件衫只值200蚊，有就唔使做啦！」談到日前鸚鵡「龍兒」失而復得，他表示感恩，強調家裡養有鸚鵡、狗、貓和魚，即使孩子出世後，全部都會繼續共存。
ADVERTISEMENT
20周年「全城撐本地消費3重大激賞」！ 即睇活動詳情！
