方力申大讚太太有內在美，生活貼地。
方力申（小方）於今年情人節宣布與年輕14歲的女友葉萱（Maple）在美國結婚，並於父親節宣布做老竇，女兒預計今年年底出世。日前，方力申就接受查小欣的YouTube頻道「紅查館」訪問，並分享了很多夫妻間與父母的生活點滴。
節目中，提到Maple捲入邪教事件後勇敢發聲，方力申坦言拍拖一段日子後，才跟父母交代，並透露方媽媽的反應：「我媽咪好支持佢，可能佢哋都係白羊座，敢愛敢恨，覺得做得啱，需要發聲就應該講，當時嘅畫面我都有拍低，媽咪攬住女朋友話：『無論你將來同我個仔得定係唔得，我都當你係我個女！』我聽到媽咪咁錫自己嘅女朋友，第一係如釋重負，第二覺得好窩心！」
結婚大半年，Maple已習慣與老爺奶奶同住，一家關係融洽，方力申透露：「我老竇都係非常愛佢，唔好話而家大肚，譬如一家人食飯，我問阿爸想食乜嘢，佢話：『你唔好問我，你問Maple食乜嘢！』我哋嘅關係好融洽，係以佢為主，而家結咗婚，暫時都係同我爹哋媽咪一齊住！」
方力申求婚準備的無人飛機遲足45分鐘。
方力申又自爆求婚與結婚同時進行的經歷，並指自己年紀已經不小，又希望兩老可以享兒孫福，所以把握機會出擊：「咁啱我要去拉斯維加斯做活動，好方便（註冊結婚），阿媽就話不如結埋婚，咁就開始去組織，有個好好嘅朋友幫我預訂一系列嘅嘢，租咗架飛機掛住『Will You Marry Me』，大家以為好貴，但其實只係五位數字。」
怎料在萬事俱備之下，卻發生「蝦碌」事件：「飛機比原定遲咗四十五分鐘先嚟，我一路喺海灘拖延時間，結果捱到飛機嚟，我就求婚啦，換衫嘅時候，證婚人嚟咗再多個驚喜，簽埋紙，求婚加結婚一次過進行！」方力申更笑言求婚大計，差點被方媽媽「穿煲」：「Maple臨時臨急話唔去拉斯維加斯，我阿媽就打開口牌：『你去啦，佢（小方）可能會同你求婚！』跟住太太問我，我話冇可能，一定唔會！當離開拉斯維加斯，佢就覺得唔會，因為大家以為拉斯維加斯最容易結婚，但原來洛杉磯都得，佢以為冇咗呢件事，去到真係求婚嗰一刻，佢都愕然，再結婚簽紙就更加愕然！」
方力申續公開大讚Maple 與眾不同，充滿內在美：「我覺得佢好唔同，之前去歐洲旅行，返嚟乜都冇買過，佢唔係好需要呢啲，食嘢又係好貼地，同我一樣生活比較簡單，當然佢天真樂觀嘅性格，都係好吸引我。」方力申又稱結婚後二人感情更加成熟：「大家的目標都要一致，無論我哋有乜嘢問題 ，到最終都唔會分開，所以一定要好好解決。」而即將升呢做老竇的他，更表示已經計劃好將會陪太太入產房生B。
ADVERTISEMENT
立即更新/下載AM730手機APP 體驗升級功能
