曲線宣傳 網傳華仔內部飛最貴只係$750

是咁的，劉德華演場會門票昨日賣清光之後，人人都在網上求飛，而且價錢由千六蚊至三千蚊不等，甚至有網站顯示A區握手位要三萬八，嚇到網民跪低。

今日網上就瘋傳一張WhatsApp截圖，內容為「我有朋友有大量華仔演唱會飛，有興趣就話我聽 $420/ $520/$750」、「自己友內部拎，信得過，飛到先比錢」。 換轉是自己，一樣會問「真㗎?定假㗎?」最後對方就send出一張蔡楓華演唱會海報，搞到對方哭笑不得。

話說回來，這張截圖莫非是蔡楓華另類sell飛的手法？