當年Bobo已退出幕前工作，但仍然為阿詩站台。
絕對可以用「世紀見面」去形容她們。
當年Bobo店舖開張，阿詩到場支持。
何韻詩連日來在書展為爸爸的新書《麻辣教師》做宣傳，見fans見得多，估不到今日她遇到多年不見的老友陳文媛(BoBo)，令到何韻詩非常興奮!二人更心有靈犀地穿上牛仔恤衫，認真襯到絕一絕。難得重遇老友，當然要影合照同大家happy share，她在IG寫到︰「哇痴線，咁都俾佢撞到我！陳BoBo啊各位同學～～！！（佢真係路過㗎咋...）#老朋友 #十世無見 #想當年真係勁friend #而唯一無同佢被傳緋聞 #真係神蹟」字裡行間都感受阿詩的興奮。
如阿詩所講，十世無見，恐怕大家都忘記了她們二人是同年角逐新人獎，更經常孖住出席活動。當年BoBo的水晶專門店開張，阿詩以嘉賓身分到場祝賀對方。對上一次阿詩演出舞台劇《賈寶玉》，BoBo亦現身為好友做宣傳。
阿詩曾與容祖兒、傅穎傳過緋聞，難怪她見到陳文媛之後要說「唯一無同佢被傳緋聞」。
阿詩開心得立即上載至網上。
阿詩回應網民甚為搞笑。
立即更新/下載AM730手機APP 體驗升級功能
