曾俊華帶同妻女到紅館後台，去捧昔日band友場。
前香港特區政府財政司長曾俊華，今日在Facebook發文，自爆是盧冠廷(阿Lo)的band友，他更親身到到紅館後台探訪，正在舉行演唱會的阿Lo，他寫道：「我同盧冠廷早喺七十年代結緣。阿Lo嘅爸爸盧海天係粵劇名伶，後期移居波士頓，而當年同我一齊組成『浪子樂隊』Sojourners嘅兩位band 友Teddy同Alex兩兄弟，佢哋嘅爸爸尹自重，係廣東音樂「四大天王」之一。憑住呢個廣東音樂嘅連結，因緣制會，令我同阿Lo喺Boston唐人街附近首次碰面。」
為了《一生所愛》去銀川
阿Lo與曾俊華都是八十年代初回流香港，曾因為阿Lo的第一隻個人專輯《天鳥》，自此成為對方的歌迷，「我喜歡阿Lo，因為佢嘅歌曲風格好別樹一幟，同其他歌手好唔同，而佢太太唐書琛幫佢填嘅詞，都係寫出佢嘅心裡話。」曾俊華最愛band友為電影《西遊記之仙履奇緣》所寫嘅插曲《一生所愛》，又說：「一段 500年都冇辦法修成正果嘅愛情，真係聽到毛管戙。」上周他更特別去到寧夏銀川的北堡西部影視城，腦入面哼著《一生所愛》，幻想至尊寶、紫霞仙子站在城樓上。
曾俊華亦十分喜歡阿Lo的「愛」系列作品《最愛是誰》、《憑著愛》，攻稱曾用《憑著愛》的歌詞「曾踏遍刺腳的彎路」來鼓勵香港人，並說：「由九十年代起，每次阿 Lo 嘅紅館 show 我都有入場，我尤其喜歡聽佢一個人，拎住支結他，自彈自唱，有時唱得好有 feel。希望呢次唔係最後一次啦。」
曾俊華與妻女在盧冠廷演唱會的布景版前打卡。