曾家瑩（Ariel Tsang）今日（28日）現身中環大館出席Now United中國香港區新成員出道首演活動。（娛樂組攝）
曾家瑩（Ariel Tsang）今日（28日）現身中環大館出席Now United中國香港區新成員出道首演活動，活動中宣布Ariel正式加入Now United。Ariel接受訪問分享成為新成員的感受：「其實我嗰一日就俾人叫咗去綵排，本身就唔知道係完咗㗎啦！以為嗰個選拔係淨係想睇吓我或者其他成員會有啲咩火花，但係原來一收到消息嘅時候就非常之興奮，同埋有一啲意想不到。」
活動中宣布Ariel正式加入Now United。（娛樂組攝）
正式加入Now United
Ariel憶述曾經參加過《全民造星IV》，並表示：「我出道之後都去過韓國進修，都簽過一間韓國公司培訓，但去到最尾反而覺得有好多困難，有諗過會唔會放棄呢？但呢個諗法都好短暫。」
講到有否向《全民造星IV》的好友們分享正式加入Now United，Ariel表示：「其實我冇同佢哋講嘅，想睇吓大家第一個反應，我都覺得大家好support我嘅，因為大家嘅關係都非常友好。」
Ariel孖郭富城跳《狂野之城》。（娛樂組攝）
孖郭富城跳《狂野之城》
講到在活動中與天王郭富城一起跳舞，Ariel說：「佢啱啱完咗表演嘅時候都有恭喜我，同埋都有俾啲意見我。佢話我跳舞都OK，不過跳佢嗰隻舞步《狂野之城》嘅時候，爭少少力量。」講到是否希望能夠與城城合作，她直言：「梗係希望啦！希望有機會同佢拍MV。」
被問到是否有相約Now United成員們出街，Ariel表示：「我哋都有兩個禮拜時間一齊排舞同埋拍MV，因為呢段時間都仲未公開我加入新成員，所以都仲未同佢哋出街。」提到未來發展動向，Ariel說：「之後都會去唔同國家度巡演，包括有葡萄牙同埋巴西，香港都仲會有兩場，我都非常之興奮，因為我冇去過呢啲國家。」
立即更新/下載AM730手機APP 體驗升級功能
