曾志偉現身愛女曾寶儀和其男友導演林明謙新戲《交換禮物》慈善首映。(娛樂組攝)
曾志偉今晚(13日)現身九龍圓方出席愛女曾寶儀和其男友導演林明謙的新戲《交換禮物》慈善首映，《中年好聲音》的劉洋、趙浚承、黃劍文、沈宗賢、王玥、林思彤、曹越、阮慧珊等均現身撐場。電影由曾寶儀以旁述和訪問形式紀錄患癌病人和照顧者的心路。兩人父女檔受訪，曾志偉自言來自癌症家庭，其太太、妹妹和哥哥都先後因癌症離世，其侄兒(監製曾國駿)的妻子、曾寶儀母親、表妹夫廖新喜(戲中受訪者)都曾患癌，此片也是紀錄了「一家」的經歷。曾寶儀補充也有訪問其他中外患者，透過訪談釋放執念，「例如我希望他們可以好番，佢哋冇好番係咪我做得唔夠好，好多朋友睇完都療癒自己。」她直言期待已久，終可將電影帶來香港。
談電影業寒冬
《交換禮物》籌備4年終公映，但遇上香港電影市道不景，志偉笑言，「播完呢齣戲先執笠，唔好咁快！講笑！」」他認真表示，受疫情影響，全球電影業都陷低潮，經濟不景，各行各業都困難，「以前8點、8點半食飯，而家大家好健康6點半就食飯，9點或9點半就冇人，所以大家係唔想消費、慳啲錢消費，亦或係咩呢？因為係經濟差，睇戲唔係必需品，除非好戲，所以等口碑，點解《破·地獄》咁多人睇，就係口碑，口碑好大家都想睇。」自2021年出任TVB總經理後，他自言幾乎忘記自己是電影人，至於可會「出山」再拍戲？他坦言，「我自己都好想快啲投身返電影，因為依家實在太少開戲，唔係冇題材或冇人想拍，係冇投資者，我哋喺呢個行業咁耐，識咁多人，希望搵多啲人投資，令投資者更有信心，電影工作者有更多機會。」他直言電視年終無休，不及電影業自由，「電影始終我都係擺最前，最鍾意做嘅嘢。」
慶祝父親節
談到有傳子女當年反對志偉重返TVB，曾寶儀坦言，「反對係一定要講，因為擔心佢身體負荷唔到，但他做得開心，係阻止唔到佢，佢自己都慢慢明白，已經七十幾歲，應該留返時間俾自己。」志偉亦直言想過憂閒生活，但電視能為觀眾帶來免費歡樂，尤其在經濟差的環境，自己也感開心。雖然工作忙碌，志偉也會支持愛女，今年父親節適逢曾寶儀在香港，一早已約定齊齊食飯慶祝，「本來嗰日要出差，但咁有意思，梗係要留低一家人食飯。」問到未來女婿會否一齊食，曾寶儀立即作投訴狀，「問啲咁嘅問題？唔通趕走佢，會食會食，佢都好辛苦。」