《講你都唔信》新一集的嘉賓陣容。
無綫綜藝遊戲節目《講你都唔信》今個星期有「獎門人」曾志偉，聯同錢嘉樂帶領馮盈盈及鄭衍峰，為第二輪比賽擔任主持，今明兩晚的嘉賓分別為肥媽、薛家燕、陸浩明、阮兆祥、鄧兆尊、何遠東、曹永廉、車婉婉及商天娥，三隊人馬將分別圍繞「第一次」及「講你都唔信」兩大主題進行講故仔技巧大比併。
傳被無綫掟入雪櫃的馮盈盈擔任節目主持。
緋聞情侶再合作
馮盈盈與鄭衍峰曾傳過緋聞，早前她又被指唔聽話而遭無綫雪藏，曾志偉為她澄清︰「邊個人入過雪櫃啫？呢度冇人入雪櫃，其實係佢去咗隔離，拉番佢返嚟咋！」嘉樂仔聞言再加多兩錢肉緊幫口：「傳吓傳吓就變咗第二件事，人哋隔離之嘛，又話人哋雪藏。」問到志偉是否睇中馮盈盈與鄭衍峰是過氣情侶，所以專誠「撮合」二人，志偉聞言再搞鬼謂：「我從來唔知呢啲嘢喎！原來你哋已經過咗氣……」嚇得馮盈盈與鄭衍峰異口同聲謂：「緋聞緋聞！」之後口多多的嘉樂仔再追問二人緋聞孰真孰假，二人再顯示默契同步謂：「講你都唔信啦！」
新一輪主持組合，馮盈盈同志偉的互動好搞笑。