曾志偉咀米八女模 肥媽嫌獎門人錫一啖無禮貌

肥媽今日到電視城錄影《中年好聲音》，提到「獎門人」曾志偉早前咀大馬女模黎峇菈，連帶她與對方在《大丈夫》的激咀片段亦翻hit，她對此引以為傲︰「多謝志偉哥，如果唔係佢錫條女，邊有人知我錫過佢兩仔爺，仲要同一日呀！連佢老婆都未試過同一日咀佢兩仔爺呀！其實我覺得志偉暗戀我，如果唔係做咩搵我演呢個角色！」

曾志偉咀女不值一提

肥媽對曾志偉咀女模一事認為「好普通」、「不值一提」，認為是女方有意放出來做新聞，質疑有人借曾志偉過橋爭取曝光率，「如果我係佢都會咁做呢單新聞，唔係邊有人識我？」她認為生日親咀很平常，以她這個半唐番都錫兩啖，甚至三啖，指志偉只錫一下非常無禮貌。