Jumbo報喜誕下第二胎 。
曾主持《3日2夜》的33歲「長腿女神」曾淑雅（Jumbo），2023年突然宣布結婚，並於同年11月誕下囝囝Kobe，今年元旦她再報喜懷上第二胎，轉眼間，Jumbo 今日（12日）在社交網宣布女兒順利出世，湊夠一個「好」字。
Jumbo在社交網分享了多張與女兒的合照，相中見剛生完B的她躺在病床上抱著BB ，流露出幸福人母的笑容，場面溫馨。Jumbo 透露妹妹跟大仔出世時一樣頭髮濃密，並寫道：「Welcome to my world 妹妹，順利出世啦，望住你溫柔的小臉，媽媽也溶化了。近乎同哥哥一樣既髮型出世，都係貪靚既BB仔，食奶ok 黃疸 ok 精靈精神，已經一齊出院回家啦。」不過，她透露大仔因為發燒，兩兄妹還未能見面，「哥哥因為發燒，亦都打亂晒所有計劃，有2個小朋友一切真係要更加小心，哥哥要分開住，暫時都未見得妹妹，期待之後2人見面的反應。」
Jumbo表示開始坐月一個月，更笑言好似變番新手媽媽：「真係生疏哂！正在努力學習中要慢慢搵番凑Kobe仔初生時既回憶，係有過經歷之下！今胎還是會選擇繼續做母乳媽媽，雖然無得一覺訓天光，但還是覺得很值得的，只希望囡囡可以肥肥白白健健康康。」
ADVERTISEMENT
20周年「全城撐本地消費3重大激賞」！ 即睇活動詳情！
