由黃子華及潘燦良主演的40場舞台劇《最後禮物》，因第五波疫情延期半年後，上月21日在灣仔演藝學院首演至今，口碑載道，昨晚(23日)在第25場結束時，子華神，於謝幕時突然驚喜消息：「其實都唔係好關你地事。呢個消息係我哋會加開10場！」《最後禮物》在詢眾要求下再度加場，共演50場，雖創下疫情下最多場數舞台劇紀錄，但仍然一票難求，不過子華直言已是極限，「50場對我嚟來講，真係盡啦。」加場門票將於周五(26日)在快達票公開發售。
搏埋條命做多10場
子華神直言每場都做到虛脫，經常想做多一日就休息，「但係知道真係好多人想睇到一個咁好嘅製作，咁好嘅表演.....加上我發現好多人睇完之後，個劇帶俾佢地好多反思，對佢地有一個「好」的影響，有睇過都知，我地個劇係講家庭，所以我先搏埋條命做多10場。」阿燦補充說： 「舞台係神聖嘅，得咁多就咁多。」子華答道：「真係同生命一樣，如夢如幻如泡影....」最後，阿燦總結說： 「不論係演嗰個，同睇嗰個都要好好珍惜佢，舞台價值先存在。」他良感激觀眾熱情支持，呼籲觀眾多支持同期公演的舞台劇和香港電影，他與子華更互相為對方的作品《飯戲攻心》和《短暫的婚姻》宣傳。
