大批網民湧到天文台facebook炮轟停課決定，天文台變成「出氣台」。
受「丹娜絲」的殘餘影響，本港天氣昨日(10日)發出三次紅色暴雨警告信號，「應對極端天氣督導委員會」昨早提前宣佈連續兩日停課，惟今天(11日)天朗氣清，香港大部分地區未見大雨，大批網民湧到天文台facebook炮轟停課決定，天文台忽變「出氣台」。
不少學校原定7月11日為本學年最後上課日，亦有不少小六學生原定今日搞畢業禮，但因天文台的停課決定，不少學生都失去了最期待的畢業禮，有學校延遲一日舉行，亦有學校索性取消，令家長們都失去預算。其中，商台DJ朱薰都發文鬧爆，原來其12歲大仔譚永之就讀救恩學校，今年也是小六畢業生，朱薰發文無奈苦呻：「早上八時，冇雨，冇埋個結業禮、冇埋個結業party、冇埋個中一註冊，仲間中放晴添﹗」她更寸爆表示：「乾嘅，仲間中有陽光𠻹，早一日宣布，早停早享受。」而育有三女的陳嘉寶（Anjaylia）對於今日零雨量停課，她的老公發文表示：「我屋企就真係打風！」相中見陳嘉寶家中非常混亂，地上佈滿公仔，陳嘉寶更嘲諷：「天文台預測準確，班細路唔使返學，我屋企打風。（地下除咗佢哋啲嘢，有我個枕頭同我張被）。」
ADVERTISEMENT
20周年「全城撐本地消費3重大激賞」！ 即睇活動詳情！
