Oppa朴敘俊特地來港出席於尖沙咀燈鐘舉行的時尚品牌活動。(蘇文傑攝)
韓國男神朴敘俊、陳偉霆和陳柏霖今晚(20日)以品牌大使身份，現身尖沙咀鐘樓出席CHANEL慶祝派對。同場還有剛榮升人夫的Tyson Yoshi、袁澧林(Angela)、盧慧敏、陳蕾、鍾雪瑩、馮允謙、ØZI、朱鑑然、胡子彤等。以神秘嘉賓身份現身的鄭秀文Sammi，坐著黑色車前來，一頭金髮配上一身型格皮褸套裙，非常有型。朴敘俊雖不接受訪問，但不時微笑，又特地望向fans區揮手打招呼，陳柏霖則非常親民，笑容滿臉大派心心，毫不吝嗇。
太緊張 影響發揮
Angela與胡子彤和朱鑑然齊齊受訪，談到與朴敘俊同場，Angela直言已成功集郵，一臉靦腆表示，「因為佢主演嗰套劇，就係我喺台灣翻拍嗰套劇，我啱啱好怕羞咁透過PR介紹，同佢say咗Hi。」為了跟對方打招呼，事前她特地練習韓文，「但發揮唔到，太緊張，練咗都講唔到，同埋我唔想讀錯佢個名。」問到對方如何回應時，她就表示，「佢都係好有禮貌咁問幾時推出，好期待。」Angela早前往台灣宣傳新戲，被問到在劉以豪和許光漢之間選擇誰時，竟然不選許光漢，她笑言擔心一眾「許太」反應激動。
胡子彤揚言 拍拖一定公開
胡子彤早前曾提及進行試鏡，他表示，「試鏡過程好enjoy同開心，試完鏡就無諗，我哋不斷試鏡不斷失敗，如何不斷諗點解失敗，人生就好無樂趣。」談到伍允龍公開戀情，他表示事前不知情，「人哋開心就得，(見過面嗎？)未，有機會就一齊食餐飯。」問到將來拍拖可會跟伍允龍分享開心事，他強調現是仍然單身，「到時何止同佢講，同大家講都得！」朱鑑然就話再見到陳偉霆好開心，自合作拍完《太陽星辰》後至今，終於再次聚頭，特別興奮。
