Lucy 媽笑言將來Lucy出EP一定要用這張相做唱片封套。
李璨琛3歲囡囡李元元（Lucy）向來鍾意唱歌跳舞，經常拎住支咪大唱迪士尼動畫《魔雪奇緣》主題曲《Let It Go》，近期更愛上張天賦（MC）的歌。Lucy媽早前在社交平台上載女兒熟睡中的照片，只見Lucy 頭髮凌亂但依然可愛，並留言︰「第時出EP一定要用呢張相做唱片封套。#唯美」。
數天後，Lucy媽日前在社交網再分享了一張以Lucy熟睡相印成唱片封套的相片，封套上寫著「(靚聲王）李元元首張試機碟」，並收錄了《Let It Go》、《Baby Shark》、《How You Like That》、《反對無效》、《記憶棉》、《時候不早》、邁向國際成名作《BOOMBAYAH》等歌曲，隨碟附送波鞋，一盒雙黄蓮蓉月，仲送多包油沾米，包到降落傘咁大，雙CD單碟價，只售$38.8。Lucy 媽留言笑道：「喺呢個網絡世界，有人成日暗暗地同我鬥無聊，send啲作品黎挑戰我！邁向國際成名作boombayah」。
網民紛紛留言表示認購，更有人抵死笑問：「有冇簽名會？」而葉佩雯就留言謂︰「只係賣$38.8咁抵買，真係居家必備！唔買就笨啦！真係要盲搶先得！手快有、手慢冇。」Lucy媽回覆說︰「個個中晒盲腸炎，仲唔快啲同我搶。」葉佩雯再笑指︰「我都好想盲搶，你快啲公布啦，幾時有得搶？搞到我好心急呀！就嚟有焦慮症啊！」
