Sucy今年2月出世。
李璨琛（Sam）和老婆梁志瑩 (Sophia） 育有兩名可愛囡囡，5歲大女李元元 (Lucy）憑可愛外形同古靈精怪表情，深得網民愛戴；至於妹妹李斐斐 （SuCy）今年2月出世，肥嘟嘟的她被Sophia改花名叫做「炳強」。Sophia在網上不時上載兩女的生活點滴，可見Lucy相當愛錫妹妹，但昨日（21日）Sophia卻大爆Lucy 一腳踢到細女Sucy嘔奶。
升呢做家姐的Lucy經常都會做出趣怪表情氹10個月大的Sucy開心，不過昨日Sophia 便在社交網大爆Lucy 有新「代表作」。片中見Lucy先用雙手肉緊搣Sucy面珠，繼而再拍腳仔，最後一個旋風腿不慎踢中妹妹塊面，令Sucy嘴角立即吐出一啖奶，場面既驚嚇又搞笑，Sophia笑言：「阿妹俾家姐嘅旋風腿踢一腳當場噴奶 #阿妹個豬登被踢到晃動咗幾吓」不少網民都表示：「妹妹個樣好無奈好陰功，但係又好好笑」亦有人笑指：「阿妹成為咗家姐一個會郁嘅玩具」。
