Ad Block Ad Block
娛樂
2022-08-31 18:00:12

李國麟曾被指直播賣假貨變劣評帶貨藝人 直認心理大受打擊

分享:

李國麟

內地近年興起直播帶貨熱潮,唔少香港藝人都紛紛加入,當中包括68歲嘅TVB「綠葉王」李國麟,不過銷情未如理想,試過直播8個鐘只有大約一千人收睇,出貨量極低,當時仲有網民估計佢賺唔到兩舊水,慘被封為「最慘帶貨明星」。李國麟並無因此而放棄帶貨,仲堅持繼續做落去,更直播賣女性用品及喪食勁辣小龍蝦,睇到唔少網民心酸及叫佢唔好咁搏。

頭兩場直播非常成功

去年四月底轉戰內地發展嘅李國麟,日前接受內地電台節目《麗人麗語》訪問,期間就講到自己嘅直播帶貨經歷,佢表示喺經理人嘅建議之下嘗試做網紅開直播帶貨,而佢喺杭州所舉行嘅頭兩場直播可以話係非常成功,當時成績好好。仲試過去到全國帶貨榜第一,短短兩至三個鐘就可以有300萬銷售額。不過佢之後被經理人告知,有人話佢賣假貨,除咗被退貨之外,佢仲變成劣評帶貨藝人,令佢心理大受打擊,同時流量亦有所影響。

之後,李國麟就話佢學識咗要對自己所賣嘅嘢負責任,所以如果佢對產品唔了解及有疑惑時,佢就會拒絕為該產品進行帶貨。李國麟再話有人話佢咁樣會得罪客人同粉絲,不過佢話唔緊要,佢唔會賺呢啲錢,如果佢直播所賣嘅產品有問題,佢唔會再喺粉絲面前講嘢。

李國麟 影片截圖

李國麟

李國麟

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受