李金凱雲南2千呎豪宅曝光 巨廳擁「馬場景」睡房一特色自爆私生活？
參加《中年好聲音3》而成名嘅李金凱，近日帶埋《東張西望》攝製隊返回家鄉雲南，拍攝佢「愛回家」嘅過程，除咗有《東張》主持鄧凱文及好友羅逸軒之外，金凱嘅家人都有現身。
《東張西望》播出其中一集嘅片段係李金凱帶大家去佢屋企，原來係一個千幾二千呎嘅四房單位，客廳窗邊樓底極高，超有空間感，加上景觀開揚望住運動場，羅逸軒都忍唔住話「好似我地個馬場」，鄧凱文更加驚嘆李金凱係「雲南富豪」。
李金凱話喺張床褥翻滾都唔怕整醒身邊人，咦……
李金凱讚床褥好唔怕整醒身邊人
李金凱透露單位係租住嘅，自己唔係業主，可能因為咁所以佈置簡約，雖然放咗畫作同fans禮物，但依然好闊落。李金凱將其中一間房設為音樂工作室，而介紹睡房時就讚自己張床褥揀得好，「你在這邊翻滾，旁邊不會感受到」……咦，莫非李金凱有人同床，所以要有呢個安排？
李金凱嘅家人接受訪問
節目中李金凱嘅家人接受訪問，談到金凱童年時發生意外導致雙手需要截肢，金凱嘅大家姐話細佬好勇敢。但係話鋒一轉，二家姐就大爆李金凱小秘密，話細佬習慣唔著底褲！
原文刊登於 Yahoo 娛樂圈
立即更新/下載AM730手機APP 體驗升級功能
