李靜儀（Heidi）近年向時裝界方面發展，頻頻出席各大品牌活動，亦於IG大曬唔同穿搭造型照，不過網民就成日將焦點放喺其身材上。去年，李靜儀上載泳裝片段大派福利，卻被質疑再度發育，佢就回應自嘲一直都係「小饅頭」；除咗上圍，網民亦經常大讚李靜儀對長腿。
Heidi日前以一身大地色造型出席時尚品牌活動，土黃色Bra Top配以半截裙，再襯上卡其色長身外套及黃色襪套形夾腳趾涼鞋，感覺型格、極度顯白同時修飾身形比例，唔少網民都留言畀心心Emoji及大讚佢靚。近日，又有網民於討論區以「Heidi同Shirley Chan邊個對腳世一？」為題開PO，比較李靜儀與陳欣妍（Shirley）邊個條腿靚啲，投票結果李靜儀以壓倒性票數勝出，有網民更留言大讚李靜儀正好多，表示陳欣妍差好遠；又有網民拎美腿界代表連詩雅出嚟講，指連詩雅對腳贏過李靜儀，不過亦有網民表示整體Package仍然係李靜儀勝出。
即睇Heidi李靜儀相片
即睇Shirley陳欣妍相片
原文刊登於 Yahoo 娛樂圈