《東張女神》廖倬竩日前險被的士撞，炮轟香港的士文化冇得救。
《東張西望》主持廖倬竩是2019年港姐十強佳麗，落選後曾擔任財經節目主播，其後，加入《東張西望》擔任外景主持，試過勇闖老鼠竇，又遭露宿者「追打」，敬業樂業的表現獲網民關注。日前，廖倬竩在社交網自爆被的士惡意衝撞，並發表了大膽言論，引起網民熱議。
廖倬竩在社交網透露事發經過，她指在將軍澳一個巴士站的行人斑馬線上行走，準備過馬路趕搭巴士返工之際，右邊有一輛的士駛進，並突然加速企圖撞她，她強調當時自己行得並不慢，廖倬竩稱：「佢一見到我，即刻加速加油，企圖想撞到我！好彩我動作快，即刻彈返上行人島！咁我梗係俾面色佢睇啦，鬧咗佢兩句。我見到佢個樣，一睇就知唔係好人！乜而家啲的士佬態度咁惡劣咩？」
廖倬竩炮轟香港的士文化冇得救。
廖倬竩非常憤怒，並炮轟香港的土文化冇得救，更請政府早日廢除的士：「期待政府早日phase out （逐步廢除）的士，合法化網約車；亦希望政府唔好用公帑資助返啲的士牌。佢哋今時今日搞到咁，真係自作自受。香港的士文化真係冇得救！」廖倬竩的帖文一出，引起網民熱烈討論，更有人指她的言論大膽：「你收返呢條threads，一陣公司藝員部見到搵你照肺呀！」不過，廖倬竩冇有怕，並霸氣回覆：「我爭啲俾車撞喔，條腿斷咗係咪藝員部賠俾我！」
廖倬竩霸氣回應網民勸刪文留言。
立即更新/下載AM730手機APP 體驗升級功能
