黃家駒
Beyond樂隊主音黃家駒1993年喺日本因意外逝世，終年31歲。家駒逝世多年，但留下嘅多首作品仍然受唔少樂迷喜愛，而且歌迷遍及世界各地，更有年青人視透過舊唱片舊MV，視家駒為偶像。
內地有唔少家駒fans，有部份人更專程來港到家駒墳前向偶像拜祭。近年內地興起嘅社交平台「小紅書」上，不時有人分享到港拜祭家駒嘅相片及影片，並「帶路」教內地旅客點樣去將軍澳墳場。
得知有人想組團做導遊
不過早前嘅《東張西望》報道指，有內地網民拍片介紹來港拜祭黃家駒、陳百強及梅艷芳幾位巨星嘅影片，而作出投訴嘅Beyond歌迷就話，得知有人想組團，甚至做導遊介紹遊客去拜祭名人，感覺唔舒服同唔尊重先人，而且認為影響其他拜祭人士。
《東張》攝製隊訪問多位內地旅客，佢地都唔贊同去藝人墳前拍片影相嚟「呃like」搏流量，認為唔尊重逝者，而且真心喜愛已故藝人的話，買紮花拜祭就夠，毋須影相放上網。
原文刊登於 Yahoo 娛樂圈
潮濕天氣或引起過敏及哮喘，預防霉菌方法（am730製圖）
