鄧麗欣(Stephy)、林二汶、《金都》導演黃綺琳等，昨日到電台宣傳，林二汶被問到會否寫歌給Stephy和她的男朋友邱勝翊(王子)，林二汶即說翌日可交歌，又問Stephy是否需要跳舞歌曲，Stephy即說現已「跳唔郁」。
Stephy稱，已有5年沒來電台宣傳歌曲，又稱與林二汶相當有緣，「我記得Cookie同aT17係同年出道，我又同過二汶同台演出，我唱歌，佢負責彈結他。」林二汶即稱，與Stephy、黃綺琳都是音樂出身，「我同Stephy組合出身，導演就填詞出道，其實我寫過一首demo俾Stephy，不過始終冇到佢手。」
封關後未見過王子
問林二汶到會否為Stephy和她男友王子寫新歌，讓他們可以合唱，林二汶一口答應：「好！」還對Stephy說：「你係咪想要舞曲？」Stephy笑著拒絕：「唔要，我同佢(王子)歌路唔一樣，我已經跳唔郁啦，一齊拍電影好啲。」Stephy指，王子已經在台灣睇咗《金都》優先場，她指封關之後二人沒有見面，「佢有新戲上，可以睇佢套戲見到佢。所以唔心急係見面，不過想疫情快啲過。」