Ad Block Ad Block
娛樂
2022-06-17 20:00:09

林奕匡重新演繹《霸氣情歌》 五年前送陳柏宇作結婚賀禮

分享:
林奕匡重新演繹《霸氣情歌》 五年前送陳柏宇作結婚賀禮

林奕匡重新演繹陳柏宇歌曲《霸氣情歌》。

林奕匡(Phil)除了會唱別人的歌,更會cover他為其他歌手創製的歌曲,繼姜濤的《Dear My Friend, 》及葉巧琳的《難道我還未夠難》之後,Phil最新作便揀中了由他作曲、好兄弟陳柏宇(Jason)的《霸氣情歌》。

《霸氣情歌》於2017年推出,是當年Phil送給Jason的結婚禮物,所以今次的cover,份外有意義:「《霸氣情歌》係我5年前寫俾Jason去唱嘅,嗰時佢結婚,當係一個結婚禮物咁,我覺得係一件都幾正嘅事,好Sweet!」而揀中此曲來cover,更因為罕有,Phil指:「我咁耐以嚟都少有唱過俾大家聽,可能只唱幾句、少少demo咁樣」所以今次確是名副其實難得的機會。

Phil除了在編曲上花心思,更加入極有其個人特色的色士風演奏進曲中,令人感到耳目一新!Phil笑說:「我做嘅時候,希望有一種唔同嘅感覺,好似隻歌嘅拍子原本係4/4,今次轉咗另一種拍子;另外自己想做啲acapella多啲嘅elements、好多和音咁,我諗諗下,既然係個比較personal啲嘅版本,不如再加Saxophone落去啦!我啲音樂就係有一種隨心,想加就加落去,出到嚟個效果幾好,幾鍾意咁樣,希望大家都會鍾意呢個版本啦!」Phil坦言唱cover song揀歌時,其實也帶點私心:「我不嬲都有去cover下別人嘅作品,自己都有啲私心嘅,既然都唱人哋嘅作品,不如唱首自己寫俾人嘅作品。」

Ad Block

 

林奕匡加入極有其個人特色的色士風演奏進曲中。

林奕匡加入極有其個人特色的色士風演奏進曲中。

歌曲是當年林奕匡送給陳柏宇的結婚禮物。

歌曲是當年林奕匡送給陳柏宇的結婚禮物。

請接受以下私隱政策及免責聲明,以示你同意am730內之私隱政策及免責聲明。了解更多
接受