林家謙籲大家做天氣之「指」，指揮自己的人生。(吳康琦攝)
林家謙(Terence Lam)於紅館共10場演唱會《White Summer》昨晚(19日)正式開朗，家謙以360度吊車於高空繞場一周，唱足4首歌與山頂觀眾互動後落地後，接著唱《free fallin’》和《喃喃師感官漫遊》，並配合歌曲意境，安排持技人在高空中漫舞表演雜技。不過當音樂停下，他仍在台上繞圈，疑似找尋離開舞的機會，有歌迷半說笑問：「搵唔搵到呀？」場面搞笑。
籲做天氣之「指」
其後，林家謙換上黑色禮服自彈自唱《某種老朋友》時，對著一個透明箱，箱中投射躺地人影，外圍舞者則穿上黑衣色，象徵「悼念/追思老朋友」， 其間鋼琴聲突然消失，林家謙以手勢通知音響組後，繼續淡定清唱小段歌詞，接著送上《記得》時，紙絮飄落舞台，儼如喪禮儀式，繼而家謙換上背後有個大心的黑色禮服化身指揮家演唱《春日部》。林家謙唱畢25首歌後，才首次正式開腔，「好笑冇電(影響鋼琴聲)，我覺得White Sumer就是這樣，夏天係最豐富變幻嘅季節。」他以近期的極端天氣作例子，「最近天文台嘅關心都好豐富，突然酷熱天氣、下一秒就雷暴、黃紅黑雨、又冰雹添。」他以夏天瞬息萬變天氣，比喻人生充滿無常，談起剛才表演期間鋼琴沒電，豁達笑說：「下一秒個琴無電，所以就要Move On囉，但我哋係夏日嘅天氣之子，就算個天主宰天氣，都可以用心態同節奏主宰返個世界，就係天氣之『指』，『指揮』的『指』，去維持我哋心態平衡。」
以平衡心態破地獄
林家謙以台上的「隨意盒」比喻人生，開合都無法超前部署，「惟有將自己嘅心打開，迎接無電嘅時刻，又或者高光時刻，都可以收埋自己嘅心，就係所謂嘅平衡。」他分享這正是他開騷前的經歷，「開騷前兩、三個星期失聲咗，照咗聲帶醫生話不能唱一個禮拜。開騷前一、兩個禮拜不能練習，好似運動員咁，比賽前一兩個禮拜整傷，你係無窮無盡嘅不安，都唔知一個禮拜係咪真係好得返，又唔知到時仲係咪記得點唱歌。我覺得賣晒飛好開心，籌備得如火如荼，突然間收埋你把聲，冇電喇。」深深體會無常的家謙提醒歌迷「快樂嘅時候唔好太快樂，絕望嘅時候都唔使太悲傷，保持心態平衡就可破解自己同呢個世界，好多地獄。」繼而唱出電影《破·地獄》片尾曲《普渡眾生》。
立即更新/下載AM730手機APP 體驗升級功能
