林峯找來吳林峰為新歌《無傷大雅》作曲。
林峯今年推出的第一首單曲《無傷大雅》剛剛奪得「Chill Club推介榜」2024年第10周冠軍歌曲，新歌取得不俗的成績當然值得鼓舞，更乘勝追擊推出與吳林峰合唱的acoustic版。
曾進修聲樂的阿峯對自己演唱要求甚為嚴格，這次上《Chill Club》亦是阿峯首次現場演繹《無傷大雅》，他表示歌曲難度很高：「呢首歌真係好難唱，當初喺錄音室錄完都覺得唔夠好，主動向監製提出嚟多個take先覺得滿意，咁先對得住吳林峰嘅曲㗎嘛。今次唱live更加唔敢怠慢，事前特別花時間練聲同練氣。」
力推與吳林峰合唱版：好聽過原版
阿峯表示：「我同吳林峰兩個嘅名本身已經好有緣份，今次特別邀請佢為我嘅新歌作曲，個旋律我好鍾意。錄完之後仲萌生一齊錄一個acoustic合唱版本嘅念頭。為咗令兩把聲融合得更完美，我都特登重新灌錄我嘅部份，出嚟嘅效果好夾，有啲人仲話呢個版本仲好聽過原版。」
阿峯即將投入新電影的拍攝工作，但亦會繼續推出新歌：「過去幾年工作比較專注喺影視方面，今年希望喺音樂投放多少少時間。」