林峯今日（26日）冒着32度高溫的戶外環境底下出席「美心中秋故事館」開幕儀式。（娛樂組攝）
林峯（阿峯）今日（26日）冒着32度高溫的戶外環境底下出席開幕儀式。阿峯接受訪問透露最近身體感到不適，他說：「由細到大我喜歡比較（氣管）敏感，可能天氣比較熱，經常要室內同埋室外去做嘢，所以可能攝親，一直都未完全好返。」阿峯透露今天活動完結後需要去看醫生，並指非常擔心狀態會影響即將舉行的拉闊音樂會演出。被問到拉闊音樂會的綵排進度，阿峯坦言綵排只有四日時間，但會落力與張繼聰和鄧麗欣繼續努力排舞和練歌。
阿峯透露今天活動完結後需要去看醫生。（娛樂組攝）
望打破巡迴演唱會場次紀錄
講到會否打類固醇，阿峯坦言：「我唔會打類固醇，因為驚有副作用，不過會諗住打針止咳，聲帶冇條件去到100%，可能淨係去到70%。」講到過去有否試過生病繼續開工的經驗，他說：「其實以前有去過啲頒獎典禮，頒獎典禮係12月同埋1月，嗰陣時係好驚，因為一定有啲歌手會病，好驚大家會互相傳染，同埋好驚上台唱歌嘅時候會有影響，做歌手係唔容易。」提到即將會舉行巡迴演唱會，阿峯興奮表示：「廣州係第一站，我好多年冇試過做巡迴，呢四個月可以充分利用時間去好多個城市，今年開紅館嘅時候已經破咗自己嘅紀錄，希望嚟緊開巡迴都可以再破紀錄。」阿峯透露即將會陸續公布巡迴演唱會的城市，估計會突破30場演出。
立即更新/下載AM730手機APP 體驗升級功能
