周柏豪、連詩雅、盧苑茵(Madam Lo)、杜小喬及鄭丹瑞，最近拍攝改編自向西村上春樹的《西謊極落：太爆‧太子‧太空艙》。柏豪在戲中飾演窮鬼，去茶樓見女友連詩雅的媽媽盧苑茵，期間提到想結婚，即遭對方狠拒。
柏豪的角色是個有大學學歷又靚仔的網絡打手，但亦敵不過現實，「其實我個角色都好寫實，係啲後生仔遇到社會真實面對嘅問題，好似住屋、結婚、生仔，都有好多嘢煩，有時啲長輩又未必明白；不過唔可以一竹篙打一船人，都有一啲長輩係開明嘅。」
杜小喬在片中被「父親」鄭丹瑞寵慣，「一定要有樓有車先嫁；但其實夠愛嘅話，我唔認為一定有樓有車先結到婚。」時下年輕人上車艱難，小喬亦有同感，「香港房屋問題係令情侶、準新人帶嚟壓力，年輕人的確好難上車，我都唔年輕但都好難上車，我哋唯有繼續打吓工，儲吓錢啦，雖然都唔知儲到幾時……哈哈。」
