柯煒林出場向觀眾承諾會盡快好番，場面感動。
藝人柯煒林（Will）確診肺腺癌第四期，現正接受標靶藥治療，因為身體情況未能參與舞台劇《笨蕉大劇院》首場演出，劇組宣布由《教束》飾演「奇行種」的余家溢頂上。
昨晚（8日）舞台劇《笨蕉大劇院》正式公演，在謝幕時，主角林海峰說角：「呢個舞台劇籌備咗12個月，團隊擔心劇本好唔好、演得好唔好、配合得好唔好，突然間發覺原來都唔重要，最重要係——身體好。」柯煒林隨後出場向在場觀眾鞠躬，他以燦爛笑容面向大家說：「多謝你哋一直關心同鼓勵，唔好意思，我呢個衰仔令大家擔心。」並再一次接受全場講「Ush，我愛你」祝福。
柯煒林激動掩面，全場觀眾以掌聲作為鼓勵。（網上圖片）
他感謝劇團上下的包容及照顧，他說：「我好榮幸呢個係我第一個參與嘅舞台劇，係同呢班咁正嘅台前幕後合作，因為無論我發生小毛病前後，都好照顧我。」他著大家放心，稱自己無事並謂會盡力康復：「我會再喺度表演畀大家睇。」之後他用雙手擺出心型，又攤開雙手接收觀眾祝福，最終他忍不住掩面抹眼淚。
ADVERTISEMENT
😋請你嘆香港迪士尼20周年下午茶👇立即登記👇
