Jer柳應廷現身旺角大球場，擔任「賽馬會青少年足球精英匯」表演嘉賓。(娛樂組攝)
MIRROR成員柳應廷(Jer)昨日(17日)現身旺角大球場，擔任「賽馬會青少年足球精英匯」中國香港U16對戰曼聯U16賽事，擔任表演嘉賓，同場還有曼聯名宿舒米高。Jer在開波場獻唱《大人之後》、首次演唱新歌《記憶倒行》和《人類群星閃耀時》，不過他冒雨唱《人類群星閃耀時》時跣腳，幸好馬步穩陣，不過這一跣的蝦碌片段，迅速在社交平台洗版，他在寫交平台限時動態轉發fan cam相片時，寫道，「今日好似係淨係repost靚仔野」。
首度雨中擔遮唱歌
繼去年初於香港大球場擔任賀歲波表演嘉賓後，Jer今次踏足旺角大球場表演，雖遇上1號風球，天公不造天，但身穿香港隊波衫的Jer，仍擔著透明雨傘亮相，並跟觀眾打招呼，「Hello 大家好嗎？今日我呢個『天氣之子』唔Work添。」他自我介紹後，興奮表示，「今日好開心我好似係第二次喺一個大球場唱歌，呢個其實係我由細到大嘅夢想，因為我細個都踢足球大，之後我一直都好想一個球場，同大家一齊大合唱、表演，今日係好特別第一次，可以落住雨唱歌，真係人生第一次。」
籲保持童心 首公開演唱《記憶倒行》
Jer首先送上《大人之後》，唱畢後感慨分享，「因為細細個就好無憂無慮，可以喺球場度踢球，我到而家差唔多30，唔講實際年齡，30＋嘅歲數，其實以前嗰種攞住個波，就咁去球場踢波嗰種純粹、開心原來好簡單。到了大人，出社會工作之後，往往就係忘記最純粹嘅自己。希望呢首歌可以提醒自己，提醒每一位工作緊嘅朋友，要保持童心，繼續發掘世界。」接著特地為現場觀眾首次獻唱新歌《記憶倒行》，教觀眾聽出耳油。
「舞王柳」淡定企穩
最後，Jer唱《人類群星閃耀時》前，邀請觀眾可參與大合唱，當唱到中段時，他興奮大叫，「一齊嚟啦，come on！」不過由於下著雨，草地濕滑，Jer不慎跣腳，連他自己不禁傻笑，幸好「舞王柳」身手敏捷，一個彈跳紮穩馬步，淡定地繼續唱。表演完畢後，他直言做香港運動員不容易，呼籲大家支持本地年輕球員。
「風之子」領軍小勝舒米高
難得來到球場，「風之子」當然要踢踢波，中場休息時段，Jer與舒米高分別跟現場觀眾和小球迷組隊，玩射波遊戲，Jer隊伍以12比小勝對方。而香港U16面對曼聯強敵，雨中作賽，現場球迷和「柳柳粉」落力打氣，鼓聲吶喊聲，此起彼落，在下半場0比5落後仍追回一球，以1比7完賽。賽後，香港球員走到看台跟觀眾擊掌答謝支持。
立即更新/下載AM730手機APP 體驗升級功能
